Presidenti i Kosovës, Hashim Thaçi, ka deklaruar se procesi për themelimin e Gjykatës Speciale nuk ka qenë i lehtë.
Ai ka pohuar se kjo është barrë e rëndë për një shtet të ri, por se është e vetmja mënyrë për të hequr qafe një lloj reje të zezë mbi Kosovën.
Presidenti i vendit këto komente i ka bërë gjatë një interviste për mediat gjermane.
“Ne nuk kemi asgjë për të fshehur dhe tani i takon kësaj Gjykate ta bëjë punën e vet, pa ndikime politike, dhe të zbardhë të gjitha dyshimet e ngritura”, ka deklaruar Thaçi.