Andin Hoti, djali i veprimtarit të çështjes kombëtare,Ukshin Hoti, ka falënderuar PDK-në, për besimin e dhënë që të garojë për deputet të Parlamentit të Kosovës.
Ai, thotë se ky besim është një nder për familjen e tij.
Postimi në Facebook
Të nderuar miq,
Të nderuar qytetarë,
Partia Demokratike (PDK) më ka dhënë besimin për të kandiduar në Zgjedhjet Parlamentare të 11 Qershorit.
Prandaj, më lejoni të falënderoj strukturat dhe lidershipin e partisë, Rininë Demokratike për mbështetjen e fuqishme në angazhimet e përbashkëta, e në veçanti Degën e Rahovecit për përkrahjen unanime.
Besimi që mora sot është NDER i veçantë për mua dhe familjen, është detyrë dhe përgjegjësi të cilën lutem ta arsyetoj me punën dhe përkushtimin tim në të ardhmen.
Është KRENARI të jesh pjesë e Listës së bashkuar të Çlirimtarëve!
Për #FillimiRi
Andin U. Hoti