Dëshmorët Mazllum e Esat Kastrati dhe Xhafer Vehapi, janë përkujtuar në 15 vjetorin e rënies në betejën e Zatriqit.
Kryetari i Rahovecit, Smajl Latifi, në këtë përvejtor takoi familjarë, bashkëluftëtarë dhe shokë e miq të dëshmorëve dhe bëri homazhe pranë lapidarit të dëshmorëve në Zatriq. Latifi tha se rënia heroike e tre dëshmorëve të Zatriqit dhe e gjithë dëshmorëve të kombit, duhet të mbahet mend e të përkujtohet me respekt. “Gjaku i dëshmorëve të lirisë,na detyron neve si institucione, qëndrore,dhe locale, që të punojmë edhe më fuqishëm drejt realizimit të kërkesave të familjarëve të dëshmorëve dhe gjithë popullit tonë”, tha Latifi.
Ai tha se historia e Kosovës ka nxjerrë heronjë,që gjithmonë i kanë bërë roje atdheut të tyre. Latifi tha se dëshmorët Mazllum Kastrati,Esat Kastrati,dhe Xhafer Vehapi, ishin sy patrembur, që urrenin padrejtesitë dhe shtypjen ndaj kombit të tyre, “prandaj u rreshtuan në radhët e çlirimtarëve dhe hynë në kujtesën tone kolektive”./PrizrenPress.com/