Një person është arrestuar në fshatin Caparc të Prizrenit pasi e rrahu një nxënës.
Policia në raportin e përditshëm njofton se ka arrestuar një person në Caparc të Prizrenit nën dyshimin se i arrestuari sulmoi fizikisht një nxënës .
I arrestuari sipas policisë së pari e nxori nxënësin nga klasa e tij, e pastaj e sulmoi fizikisht në korridor të shkollës.
Për policinë shkak i aksidentit është një mosmarrëveshje mes nxënësit të sulmuar dhe një nxënësi tjetër.
“Dyshohet se shkak i incidentit është një mosmarrëveshje e mëhershme në mes të viktimës dhe një familjari të dyshuarit po ashtu nxënës i kësaj shkolle”, thuhet në raportin policor.
Nxënësi i sulmuar ka pësuar lëndime trupore dhe ka pranuar tretman mjekësor.
Të arrestuarit prokurori ia ka caktuar ndalimin policor.