Liderja britanike, Theresa May, do të vizitojë Pallatin Mbretëror mesditën e sotme, për t’i kërkuar leje nga Mbretëresha për të formuar qeverinë e re.
Lajmi është konfirmuar nga zëdhënës i “Downing Street”.
Takimi i bujshëm mes Theresa May dhe Mbretëreshës Elizabeth pritet të ndodhe rreth orës 12:30, raporton “BBC”
Kryeministria britanike ka bërë të qartë se nuk ka ndërmend të japë dorëheqjen edhe pse konservatorët nuk arritën të fitonin shumicën parlamentare në zgjedhjet e përgjithshme.
Konservatorët e Theresa May mund të detyrohen të bashkojnë forcat me Partinë e Bashkimit Demokratik (DUP) në Irlandën e Veriut për të formuar qeverinë.
Tani është konfirmuar “parlamenti i varur”, sipas të cilit kur nuk ka shumicë bindëse vendi mund të qeveriset nga koalicionet që sigurojnë shumicën e vendeve.