Sot ka vdekur luftëtari më i vjetër i UÇK-së, Islam Morina. Lajmin e ka bërë të ditur Organizata e Veteranëve të Luftës së UÇK-së.
“Islam Morina u lind më 18 maj 1940 në Gllarevë të Klinës, kishte shpirt atdhedashësi e patrioti të vërtetë dhe ishte halë në sytë e okupatorit serbo-jugosllav.
Islam Morina, kishte marë pjesë në Protestën pranë kështjellës së Rambujes, ku u bë i njohur pasi shtiu me revole në ajër, në shenjë solidarizimi me delegacionin e UÇK-së që gjendej në atë Konferencë.
Menjëherë pas konferencës, ai u kthye në Kosovë, ku u inkuadrua në radhët e UÇK-së”, thuhet në njoftimin e OVL-së.
Varrimi i tij do të bëhet në Varrezat e fshatit Gllarevë të Klinës, të enjten me 5 shtator 2013 në orën 16:00.