Është rritur në 57 numri i të vdekurve në një zjarr katastrofik malor në Portugali, njoftojnë zyrtarët.
Shumica e tyre kanë vdekur në automjete duke ikur nga zona Pedrogao Grande, 50 kilometra në juglindje të Coimbra, sipas qeverisë së vendit, transmeton Express.
Disa zjarrfikës janë në mesin e 59 personave të lënduar.
Në mesin e 59 të lënduarve ishte edhe një vajzë tetëvjeçare e cila u gjet me djegie të renda duke u endur e vetme pranë zjarrit.
“Fatkeqësisht, kjo duket të jetë tragjedia më e madhe që e kemi parë në vitet e fundit sa i përket zjarreve malore,” ka thënë kryeministri Antonio Costa.
Ai ka thënë se numri i përgjithshëm i të vdekurve mund të rritet përsëri.
Ende nuk dihet shkaktari i zjarrit, por Costa ka thënë se stuhitë me vetëtimë dhe bubullima mund ta kenë shkaktuar atë./Express/
