Zëvendëskryetari i Partisë Demokratike të Kosovës (PDK), Enver Hoxhaj, pas përfundimit të zgjedhjet të 11 qershorit ka gjetur kohë për të lexuar.
Ai në llogarinë e vet në “Facebook”, ka shkruar se filozofi i tij i preferuar është Jurgen Habermas.
“Pas një jave të lodhshme me shumë aktivitete politike, relaksimi më i mirë për mua është leximi i filozofisë gjermane. Në kërkim të kuptimit të Evropës, politikës dhe jetës këto ditë ia kam kushtuar leximit të filozofit tim të preferuar Jurgen Habermas, gjë që më ka ndihmuar të çlodhem dhe të motivohem për të vazhduar tutje”, ka shkruar Hoxhaj.
Hoxhaj në zgjedhjet e 11 qershorit ka marrë vota të mjaftueshme për deputet të Kuvendit të Kosovës. Madje, ai është njeri nga kandidatët më të votuar të PDK-së për deputetë.