Shefi i EULEX-it, Bernd Borchardt deklaroi se misioni që ai drejton, lufton kriminalitetin sipas ligjve të Kosovës, sepse sipas tij, askush në Kosovë nuk është mbi ligjin, raporton RTK.
Borchardt tha se objektivat dhe Plani Operacional i EULEX-it, janë zhvillimi i sundimit të ligjit përmes monitorimit, këshillimit dhe ushtrimit të funksioneve ekzekutive, kthimi gradual i sundimit të ligjit në veri dhe mbështetja e procesit të dialogut për normalizim të marrëdhënieve mes Prishtinës dhe Beogradit.