Skender Berisha
Nëpër shtigjet e njohura,
Prej nga po ik blerimi;
Po ec e marr frymë lirshëm.
Një ëndje e vjetër,
Më ndjek,më ndjek;
Pak diell më ngroh,
Një kujtim më josh.
Plepat me pak erë,
Më pëshpërisin:
O,ku je djalosh!
Në sterë lëvaret verë e sosur,
Si zemër e vrarë,
Tash ec zvarrë.
Po tret një stinë,
Një kohë po dyndet,
Vjen një kohë tjetër.
Në tjetrën,
Një kujtim i grimcuar,
Mbetet.
Ec e nuk zmbrapsem,
Se diçka do të mbetet.
Prej vjetësh,
Lë gjurmë këtyre shtigjeve,
Ku endet frym e mirë.
Tash ndihem më trim,
Kalis ditën tjetër,
Me durimin tim.
24 shtator 2017