Vetëm njëzet për qind e objekteve në Qendrën Historike të Prizrenit bartin vlera të mirëfillta të trashëgimisë kulturore, shkruan sot “Koha Ditore”.
Ky konstatim ka dalë nga hulumtimi për nevojat e hartimit të Planit të Menaxhimit të Qendrës Historike të Prizrenit, që ka nxjerrë në pah nivelin e lartë të degradimit në këtë zonë të mbrojtur me ligj.
Të dhënat preliminare të këtij hulumtimi tregojnë se vetëm 22 për qind të ndërtesave janë më të vjetra se 50 vjet dhe se mbi gjysma e tyre janë në gjendje fizike të kategorisë mesatare, të keqe apo shumë të keqe…