Ylli i Barcelonës dhe kapiteni i Argjentinës, Lionel Messi, ka mbërritur në Manchester me aeroplan privat.
Messi, i cili së fundmi u bë baba për të tretën herë, është duke kaluar nëpër një formë të mirë me skuadrën e tij dhe shënoi njërin nga golat, në fitoren e fundit të Barçës kundër Athletic Bilbao me rezultat 2-0.
Sulmuesi 30 vjeçar, kishte munguar në dy stërvitjet e fundit me ekipin e “Albiceleste” dhe iu bashkua atyre në qytetin e Manchester, ku po qëndrojnë për disa parapërgatitje për ndeshjet miqësore që i zhvillon Argjentina në ditën në vijim.
Pjesë e skuadrës së përzgjedhësit Jorge Sampaoli, bashkë me Messin u bashkuan edhe Lautaro Martinez, Cristian Pavon dhe Pablo Perez.
Ekipi i Argjentinës pritet se do të paraqitet me formacionin 4-3-1-2, ku trajneri Sampaoli do të provoj përsëri në sulm dyshen Gonzalo Higuain dhe Sergio Aguero.
Në staffin e përzgjedhësit Sampaoli, në përgatitjet që po i zhvillon me kombëtaren e Argjentinës në stadiumin e Manchester City-t “Etihad”, bëhet e ditur se është edhe Pablo Aimar, i cili pritet se do të jetë pjesë e ekipit të tij edhe në Botërorin “Rusia 2018”.
Përndryshe, Argjentina të premten e zhvillon miqësoren me Italinë dhe pastaj javën e ardhshme edhe atë me Spanjën.