Drejtoria për Emergjencë dhe Siguri në Prizren, ka formuar një komision për vlerësimin e shtëpive të dëmtuara në Qendrën Historike.
“Objektet në fjalë paraqesin rrezik për kalimtarët, shëmti për vizitorët dhe janë turpi i Komunës se si është trajtuar trashëgimia materiale e qytetit”, njofton Komuna e Prizrenit.
“Pas raportit të komisionit, prioritet i Drejtorisë është intervenimi në objektin te Qafa e Kishës (ish hotel “Andi”), struktura e së cilës rrezikon jetën dhe pronën e familjes Zajmi dhe të kalimtarëve në këtë pjesë te qytetit, si dhe disa shtëpi në Qendrën Historike”.
“Komuna e Prizrenit urgjentisht do të bëjë pastrimin dhe largimin e rrezikut që po i kanoset kësaj familjeje dhe qytetarëve, po ashtu do të ndërmarrë masa edhe për shumë shtëpi të tjera në hapësira ku paraqitet rreziku”./PrizrenPress.com/