Shaqir Totaj, pritet të emërohet ministër i Ministrisë së Inovacionit.
Emrimi i tij, do të bëhet pas shkarkimit të ministrit aktual, Besim Beqaj, ndaj të cilit është ngritur aktakuzë për përfshirjen në aferën “Pronto”.
Kryetari i PDK-së, Kadri Veseli, ka zhvilluar një takim me Shaqir Totajn. Ai ka kërkuar nga Totaj që të pranojë postin e ministrit të Inovacionit.
“ Kryetari Veseli, ia ka ofruar këtë post Totaj”, tregon për “PrizrenPress” një burim brenda PDK-së.
Prokuroria Speciale, ditë më parë, ka ngritur aktakuzë për disa persona, ndër ta edhe zyrtarë të lartë të PDK-së.
Në mesin e tyre është edhe ministri, Besim Beqaj.
“Veseli ka kërkuar nga Beqaj që ta lirojë detyrën e tij”, tregon burimi për “PrizrenPress”.
Shaqir Totaj, në zgjedhjet lokale të vitit të kaluar ka qenë kandidat i PDK-së për kryetar të Prizrenit. Ai, humbi garën e balotazhit për pak vota, me kandidatin e VV-së, Mytaher Haskuka.
Totaj, pas përfundimit të luftës ka qenë menaxher i ATK-së në Prizren./PrizrenPress.com/