Ish-kandidati i Partisë Demokratike të Kosovës (PDK) për kryetar të Prizrenit, Shaqir Totaj, thotë se kryetarit të Komunës, Mytaher Haskuka, po i mungon vizioni për të zgjidhur problemet që ekzistojnë në Prizren.
”Qeveria në këtë komunë nuk është diçka me të cilën mund të krenohet kryetari aktual i Prizrenit dhe as Lëvizja Vetëvendosje që ka fituar këtë komunë. Prej ditës së parë shumë gjëra nuk kanë shkuar si duhet”, vlerëson Totaj.
“ Emërimi i drejtorëve të rinj dhe disa procese të tjera nuk kanë shkuar në rregull. Janë larguar shumë prej premtimeve elektorale dhe nuk po vërehet ndonjë kualitet i ri, për të cilin ata kanë luftuar”.
“Qeverisja aktuale ende vazhdon ta kritikojë qeverisjen e kaluar dhe të ankohet se ka shumë probleme. Qeverisë aktuale në këtë komunë i mungojnë vizioni i qartë dhe gatishmëria që të adresohen sfidat e problemet që ekzistojnë në Prizren”./Epoka e Re/