Inspektorati i Komunës dhe Njësia Policore e Malishevës, të martën, kanë ndaluar realizimin e një ekskursioni të paautorizuar me nxënësit e klasave të dhjeta të gjimnazit “Hamdi Berisha”.
Kësaj ndalese i ka paraprirë njoftimi i Drejtorisë komunale të Arsimit dhe Edukimit, që ka shprehur qëndrimin se çdo organizim që del jashtë dispozitave të Udhëzimit administrativ të MASHT-it për aktivitetet jashtëshkollore konsiderohet si e paligjshëm, shkruan sot “Koha Ditore”.
“Drejtoria e Arsimit dhe Edukimit, më saktë drejtori Blerim Thaçi, Inspektorati i Komunës dhe Njësia Policore e Malishevës 2 institucione në koordinim të përbashkët, herët në mëngjes, të martën, kanë marrë masat të cilat bazohen në UA të MASHT-it me numër 02/2016 i të 12.01.2016 dhe ndaluan agjencitë dhe operatorët ekonomikë, që të mos e realizonin një ekskursion me nxënësit e klasave të 10-a, të gjimnazit “ Hamdi Berisha” të paraparë më 01.05.2018”, thuhet në komunikatën e Komunës.
Aty theksohet se edhe në të ardhmen nuk do të lejohen organizimet e jashtëligjshme dhe janë paralajmëruar masa ligjore për të gjithë tejkaluesit e ligjit në institucionet publike dhe private…