Në 4-mujorin e parë të këtij viti 7 femra kosovare kanë rënë viktima të prostitucionit, ndërsa 63 persona kanë përfunduar në pranga të Policisë së Kosovës për “Mundësim dhe për detyrim në prostitucion”. Mosha më e madhe e viktimave sipas të dhënave të Policisë është nga 18 deri në 20-vjeçare, shkruan sot Gazeta “Zëri”.
Ushtrimi i prostitucionit nga grupet e ndryshme kriminale viteve të fundit ka kaluar në organizime të vogla ose edhe krejtësisht individuale.
Viktima të këtij krimi janë femrat e moshës së re, nga 18 deri në 20-vjeçare.
Të dhënat e Policisë së Kosovës tregojnë se femrat kosovare janë bërë cak i kriminelëve, të cilët përdorin gjendjen e rëndë ekonomiko-sociale të tyre për t’i ushtruar këto vepra penale.
Zëdhënësi i Policisë së Kosovës, Daut Hoxha, duke iu referuar të dhënave të Njësitit Policor Kundër Trafikimit me Njerëz, thotë se trafikantët kanë ndërruar taktikën e punës së tyre. Sipas tij, tashmë këto vepra penale më së shumti po kryhen nga individë dhe jo grupe siç ka ndodhur deri më tash…