Mario Balotelli kaloi dy sezonet e fundit si lojtarë i skuadrës franceze Nice në Ligue 1, mirëpo pa përfunduar ky sezon nëpër ligat evropiane, filluan spekulimet për largimin e tij, sidomos nga agjenti i “Super Marios”, Mino Raiola.
Raiols madje thoshte se cilado skuadër që vendos ta marrë në radhët e saj Balotellin, duhet të jetë e lumtur, pasi do ta ketë një futbollistë që vlen edhe 100 milionë euro, por për shkak që i skadon kontrata me francezët, ai do të transferohet si lojtarë i lirë.
Balotelli ishte parë gjatë ditës së djeshme, duke drekuar me drejtorin teknik të skuadrës italiane Fiorentina, Pantaleo Korvino, në restorantin “Villa Cora”, jo shumë larg nga qendra e qytetit të Firences.
Bëhet e ditur se dikur gjatë javës së ardhshme, Mario Balotelli edhe zyrtarisht do të nënshkruajë me Fiorentinën, për të cilën do të luaj nga sezoni i ardhshëm në Serie A, kurse një dyshe sulmuese Mario Balotelli dhe Giovanni Simeone, do të ishte tepër interesante për ta parë në sulmin e klubit “Viola”. /Insporti.com