Bashkimi është kampion i ri i Kosovës në basketboll. Për skuadrën prizrenase ky është titulli i parë në historikun e saj. Bashkimi sonte, në ndeshjen e katërt të serisë finale e mposhti Sigal Prishtinën me shifrat … dhe me rezultat të përgjithshëm 3:1 në fitore iu gëzua titullit.
Në një atmosferë të shkëlqyeshme në palestrën “Sezai Surroi”, e cila për fat të keq nuk është krijuar një kohë të gjatë në basketbollin kosovar, Bashkimi u tregua skuadër më e mirë, më e organizuar dhe duke pasur edhe përkrahjen e madhe të tifozëve, ia doli të shënojë fitore.
Më të merituarit për fitoren e sotme ishin Aaron Moss me 17 pikë, 12 asistime dhe 7 kërcime, ndërsa te Sigal Prishtina më efikasi ishte Filip Bundoviq me 24 pikë.
Për Bashkimin ky sukses është shumë i mirëseardhur, pasi më herët dështoi në dy finale. Së pari u mposht nga Sigal Prishtina në finale të Kupës së Kosovës e më pas edhe nga Levski në finale të Ligës Ballkanike. /Insporti.com