Në hyrje të autostradës në Suharakë, para disa minutash ka ndodhur një aksident komunikacioni.
Sipas lexuesve të Indeksonline, në aksident janë përfshirë vetura e tipit Golf 5 dhe një Audi A4.
Raportohet se në aksident ka persona të lënduar, për çka policia ka njoftuar menjëherë ndihmën e shpejtë e cila është nisur për në vendin e ngjarjes.
Kujtojmë se numri i aksidenteve që po ndodhin ditëve të fundit në Kosovë ka shënuar dukshëm rritje. Të shpeshta janë rastet kur ato përfundojnë me fatalitet në njerëz.
Policia e Kosovës vazhdimisht po bën thirrje për kujdes të shtuar gjatë vozitjes për shoferët dhe pjesëmarrësit tjerë në komunikacion. /Indeksonline/
