Trajneri i Liverpoolit, Jurgen Klopp është shprehur shumë i kënaqur me debutimin e Xherdan Shaqirit në skuadrën e tij, e cila arriti fitore bindëse (4:1) ndaj Manchester Unitedit.
“Nuk është normale të përshtatesh aq mirë me stilin e lojës pas vetëm katër ditësh në klub. Ne donim ta ndihmonim atë në mënyrë që pozicioni i tij të mos jetë shumë i komplikuar. I dhamë liri të madhe. Shaqiri ishte më mirë seç kam pritur”, ka thënë Klopp.
“Në momentin që Shaqiri nënshkroi me ne, ai dëshiroi t’i bashkohej menjëherë ekipit në stërvitje, ani pse ishte vetëm një javë pas Botërorit. Por unë i thash ‘jo, jo, jo’. Ai u kthye pas disa ditësh dhe ishte shumë i emocionuar. Për Shaqirin është një moment i mirë në karrierën e tij, pas eksperiencave te klube si Bayern Munchen, Inter apo Stoke”, ka shtuar tekniku gjerman.