Mbrojtësi i krahut të djathtë ka pranuar që të që qëndrojë edhe për pesë vite te skuadra romake.
Alessandro Florenzi shuan dyshimet rreth së ardhmes së tij tek Roma. Kjo pasi mbrojtësi ka vendosur më në fund të rinovojë kontratën e tij me verdhekuqtë, duke e vazhduar atë deri në verën e vitit 2023.Lajmi është bërë i ditur nga Roma dhe lojtari, nëpërmjet faqeve zyrtare.
Nuk dihet ende se sa do të jetë rroga e Florenzit tashmë, por e sigurt është se termat financiarë janë përmirësuar ndjeshëm. “Jam shumë krenar dhe i lumtur që jam lidhur përjetësisht me qytetin tim të lindjes, Romën”, ka thënë Florenzi.
“Kam dhënë gjithmonë gjithçka për këtë skuadër dhe kam vendosur gjithmonë zemrën në fushë,. Kam vendosur të jem një shembull për të gjithë lojtarët që kemi blerë këtë vit dhe do të afrojmë në vitet në vijim”, theksoi ai. 27-vjeçari luan prej shtatë sezonesh te Roma, teksa ka zhvilluar plot 183 ndeshje, duke shënuar edhe 22 gola me verdhekuqtë.