Kandidati i Lëvizjes Vetëvendosje! për kryetar të Prizrenit, Arbër Rexhaj, ka vizituar Teqen e Rufaive në Prizren. Ai tha se toleranca fetare është kusht për paqen dhe harmoninë midis njerëzve, për solidaritetin dhe dashurinë universale ndaj njëri tjetrit.
“Në Prizren bashkësitë fetare duhet të kenë një bashkëpunim më të ngushtë në mes vete për çështje të ndryshme sa i përket religjioneve”, tha Rexhaj. Ndërsa premtoi angazhimin e VV-së për të gjitha çështjet që i preokupojnë besimtarët.
Sheh Adri Shehu duke folur për tolerancën fetare në Prizren theksoi se tërë Kosova mund të mburret me diversitetin kulturor dhe respektimin e ndërsjellët të komuniteteve fetare që veprojnë në Prizren. Ai gjithashtu kritikoi neglizhencën organeve komunale karshi besimeve në Prizren, të cilat nuk interesohen aspak për problemet që i kanë besimtarët./PrizrenPress.com/