Manchester Unitedi është në presion komercial për të mos shitur Paul Pogban shkaku i shqetësimeve se largimi i ikonës do të kishte pasoja në aspektin financiar të klubit.
Daily Mail ka raportuar se shefat e Unitedit kanë shikuar për zëvendësimet e mundshme që do të mund të kishin të njëjtin ndikim që ka francezi në aspektin financiar të klubit.
Sidoqoftë, mungesa e profilit të duhur të lojtarit dhe kostoja mbi 100 milionë funtesh, e kanë bërë të pamundur që klubi anglez të pajtohet plotësisht për shitjen e Pogbas.
E ardhmja e mesfushorit ka qenë në dyshim gjatë muajve të fundit shkaku i ngrirjes së raporteve me menaxherin Jose Mourinho, transmeton Koha.net.
Barcelona shihet si destinacion i mundshëm i francezit – edhe pse mbetet në dyshim nëse klubi spanjoll mund të paguajë shifrën e lartë të Pogbas.
Dëmi financiar që mund të shkaktojë largimi i Pogbas, mësohet se është faktori kryesor që shefat e Unitedit nuk duan shitjen e francezit.
Ai ka popullaritet dhe Unitedi këtë opsion e ka shfrytëzuar për marketing që prej ardhjes së tij në vitin 2016.
25-vjeçari është qendër e programit të marketingut të Unitedit dhe humbja e tij mund të paraqes dëme në fushë, por edhe në financa.
Gareth Bale shihet si njëri prej lojtarëve që mund të bartë përgjegjësitë e Pogbas në aspektin e marketingut.
Unitedi ka humbur garën për uellsianin që tani po luan më shpesh për Real Madridin.