Shaqir Totaj, do t’i hyjë edhe një gare tjetër zgjedhore. Ai, po e synon postin e kryetarit të Degës së PDK-së në Prizren.
Totaj nuk ka pranuar të flasë për këtë ambicie.
“Është herët me fol. Kur të vendosi e bëj publike”, tha shkurt Totaj për “PrizrenPress”.
Partia Demokratike e Kosovës(PDK) në Prizren, ka filluar procesin e brendshëm zgjedhor. Kjo degë, dje ka zhvilluar takim me strukturat e tjera të partisë për të mobilizuar për zgjedhjet e brendshme.
Burimet e afërta me Totajn, ndërkaq kanë bërë të ditur se ai do të garojë për kryetar të Degës së PDK-së në Prizren.
“Po, Totaj do të jetë në garë për kryetar të Degës së PDK-së në Prizren”, tregon burimi për “PrizrenPress” .
Shaqor Totaj, në zgjedhjet lokale, ka qenë kandidat i PDK-së për kryetar të Prizrenit.
Ai, për pak vota humbi garën në balotazh përballë kryetarit aktual të Komunës, Mytaher Haskuka.
Totaj, pas shpalljes së zgjedhjeve të brendshme të PDK-së, ka zhvilluar takime me përfaqësues të ndryshëm të partisë.
Partia Demokratike e Kosovës(PDK) në Prizren, është shprehur e bindur se nga këto zgjedhje do të dalë më e fortë./PrizrenPress.com/