18.3 C
Prizren
E diel, 8 Qershor, 2025

Botohet dhe promovohet një roman i ri nga Mehmet Kraja

Në Panairin e Librti në Tiranë, të enjten më 15 nëntor 2018, në orën 11.00, bëhër promovimi i romanit të ri të Mehmet Krajës, i botuar te Shtëpia Botuese “Onufri”.

Është ky një rrëfim tronditës për qytetin e palumtur dhe njerëzit e tij, të cilët për një aq të gjatë e pritën lirinë, thuhet në njoftimin e kësaj shtëpie botuese. Roman i nxehtë dhe i drejtpërdrejtë , i veçantë në letrat shqipe, që ndoshta nuk i dakordon të gjithë lexuesit, por me siguri i vë në mendime të gjithë.

Narratori dhe protagonisti identifikojnë njëri-tjetrin, fate njerëzish pleksen në një botë midis reales dhe fiksionit. Duke qenë romansier me përvojë, Mehmet Kraja i zotëron të gjitha teknikat bashkëkohore shkrimore, prandaj vjen aq e fuqishme tabloja që krijon. I freskët dhe krijues, me një gjuhë që shpesh i kalon kufijtë e shprehjes, përveçse në përshkrime, kësaj radhe bëhet depërtues edhe në meditim.

ADVERTISING

I pyetur rreth librit të tij më të ri, autori Mehmet Kraja thotë: “Të gjithë njerëzit që kanë lindur në liri, nuk kanë pse të mendojnë për lirinë dhe vlerat e saj. Ndryshe është kur jeton në dy kohë, lindë dhe rritesh në një mungesë lirie, lirinë e quan ëndërr shpesh të paarritshme, pastaj përnjëherësh ajo bëhet realitet. Tani gjendesh në situatë që duhet ta peshosh vlerën e saj. Liria krijon disa predispozita që njeriu të jetojë më mirë, por nuk zgjidh asnjë problem filozofik, ekzistencial. Të gjitha liritë janë të pamjaftueshme, por liria e Kosovës është dyfish e tillë, sepse pritja ka qenë e madhe. Pastaj, kur ëndrra bëhet realitet, ajo e humb madhështinë dhe shkëlqimin e saj. Më pas vjen ana pragmatike: Kosova nuk është e lirë nga shtrëngesat e saj, nga pamundësitë e saj. Ajo tani është rob i veseve njerëzore, i vanitetit njerëzor, i djallëzisë njerëzore”./GazetaExpress/

Më Shumë

Profesori dyshohet se goditi kolegen në Universitetin “Ukshin Hoti”, rasti nën hetim për lëndim të lehtë trupor

Një punonjës akademik i Universitetit “Ukshin Hoti” në Prizren dyshohet se të martën ka goditur një punonjëse akademike gjatë mbajtjes së një mbledhjeje në...

Kryesuesja Bytyqi shpalos përpjekjet për transparencë para delegacionit ndërkombëtar

Kryesuesja e Kuvendit të Komunës së Prizrenit, Antigona Bytyqi ka pritur një delegacion ndërkombëtar, para të cilëve ka shpalosur përpjekjet e pushtetit lokal për...

Lajmet e Fundit