Me rastin e shënimit të 16-vjetorit të protestave studentore të 1 tetorit 1997, nesër (e martë) në Sallën e kuqe të Fakultetit Filologjik të Universitetit të Prishtinës, do të promovohet libri “1 TETORI I KTHESËS- Lëvizja studentore 1997-1999”, i autorit Bujar Dugolli.
“Ju ftoj që të merrni pjesë në shënimin e 16-vjetorit të protestave studentore të 1 tetorit 1997 dhe promovimit të librit: ‘1 TETORI I KTHESËS – Lëvizja studentore 1997-1999’, i autorit Bujar Dugolli. Promovimi do të mbahet të martën, më 1 tetor 2013, në orën 13.00, në Sallën e Kuqe të Fakultetit Filologjik të Universitetit të Prishtinës”, është thënë në njoftimin e autorit të këtij libri.
