Në fshatin Kosavë të Opojës në Dragash, fshatarët kanë marrë lopatat dhe kanë hapur rrugën e fshatit. Njësoj kanë vepruar edhe banorët e fshatit Zaplluxhë të kësaj treve të cilët në mënyrë të organizuar kanë pastruar rrugët.
Kjo ka ndodhur si pasojë e mospastrimit të rrugëve në mënyrë efektive nga kompania kompetente e angazhuar nga ana e autoriteteve komunale. Banorët kanë thënë se po ndihen të harruar nga autoritetet shtetërore.
.
Shembull i njëjtë po ndiqet edhe në disa fshatra të tjerë të zonës.
Ndërsa në fshatin më të madh të Opojës/Dragashit, Bresanë, për shkak të defekteve në ujësjellësin e instaluar muaj më parë, këto ditë banorët janë ankuar se kanë mbetur totalisht pa ujë, pavarësisht se nëpër fshat kalon lumi me përplot ujë.
Lexo më shumë në: https://www.gazetaexpress.com/lajme/komuna-ne-gjume-banoret-e-dragashit-mobilizohen-per-ta-larguar-borem-614509/?utm_source=referral&utm_medium=web&utm_campaign=copyright