11.8 C
Prizren
E enjte, 6 Mars, 2025

Kur xhirohej filmi “Komisari i Dritës”

Çlirimi e gjeti Shqipërinë në padije dhe injorancë. Mbi 85 e popullsisë ishte analfabete. Luftëtari i brigadave partizane, Dritan Shkaba, ngarkohet me detyrë që të hapë shkolla në fshatrat e Mirditës krahinë malore në Shqipërinë e veriut.

Mësuesi i ri duhet që krahas penës të shtrëngojë fort dhe pushkën. Rreth e rrotull veprojnë banda të armatosura të reaksionit, të cilat bëjnë gjithë përpjekjet për të penguar reformën arsimore në luftë kundër analfabetizmit.

“Komisari” është një film fetar me dy atmosfera: kundër zotave dhe korruptimit të klerikut dhe pro besimit tek feja e re. Viti 1966 nuk është as zbritja e djallit komunist në tokën shqiptare dhe as perëndimi i zotave apo i çdo metafizike. Është rilindja e një feje të re, më të emancipuar, më revolucionare, më praktike dhe unifikuese.

Kjo është historia e filmit “Komisari i Dritës”, prodhuar më 1966 nën regjinë e Dhimitër Anagnostit dhe Viktor Gjikës. Me skenar të Llazar Siliqit ky ka qenë një ndër filmat më të ndjekur të atyre viteve. Në rolin kryesor të Dritan Shkabës interpretonte Rikard Ljarja ndërsa në rolin e Rudinës Roza Anagnosti.

Në role të tjera interpretojnë Ndrek Luca, Ndrek Prela, Mihal Stefa, Reshat Arbana, Viktor Zhusti, Sulejman Dibra, Murat Basha etj. Sulejman Dibra i cili u nda nga jeta pak kohë më parë, interpretonte partizanin e plagosur në shtëpinë e Dodës gjatë luftës.

Ky film i dedikohet heroit të popullit Ndrec Ndue Gjokës dhe të gjithë komisarëve të dritës së dijës, që sakrifikuan edhe jetën në zhdukjen e analfabetizmit.

Më Shumë

Komunitetet jo-shumicë në Prizren kërkojnë publikimin e të dhënave mbi punësimin në sektorin publik

Anëtarët e Komitetit për Komunitete në Prizren prej kohësh insistojnë që organet përgjegjëse komunale të ofrojnë të dhëna lidhur me përqindjen e të punësuarve...

Bora ‘ngrin’ Yllin në Suharekë

Bora ka fituar dramën në javën së 22-të të ProCredit Superligës ndaj Golden Eagel Yllit me shifrat 67:73 (18:17, 22:25, 11:13, 16:18), përcjell PruzrenPress. Te...

Lajmet e Fundit