Greva e mësimdhënësve po vazhdon edhe në Prizren.
Kryetari i SBASHK-u në Prizren, Reshit Kushaj tha se në asnjë shkollë nuk është mbajtur procesi mësimor.
“Greva ka vazhduar në të gjitha shkollat e Prizrenit”, tha Kushaj për “PrizrenPress”.
Sipas tij, mësimdhësnit kanë dalur në vendin e punës.
Ofertën e qeverisë që të ketë rritje të pagave rreth 20 milionë euro në vit për të gjithë mësimdhënësit, e ka refuzuar Sindikata e Bashkuar për Arsim, Shkencë dhe Kulturë.
SBASHK-u mbrëmë nëpërmjet një komunikate për media ka bërë të ditur se greva do të vazhdojë derisa kërkesat e tyre të plotësohen./PrizrenPress.com/