4.5 C
Prizren
E diel, 30 Nëntor, 2025

Konfiskohet gruri i krimbur në një market në Malishevë

Pas një shqetësimi publik të një qytetari, i cili në rrjetet sociale kishte publikuar një video, ku kishte blerë grurë të krimbur në marketin “Viva Fresh Store” në Malishevë, inspektorët komunalë të Malishevës, përmes një komunikate për media njoftojnë se sot në orët e para të mëngjesit, kanë inspektuar këtë market dhe kanë hasur në produktin grurë i qëruar “Duru”, i cili ishte i krimbur.

Sipas drejtorit të Drejtorisë së Inspektoratit, Dibran Kastrati, i cili kishte asistuar në kontrollin e bërë, është gjetur një sasi e grurit të krimbur, dhe sasia e gjetur është konfiskuar nga inspektorët komunal.

“Po ashtu ndaj marketit, është shqiptuar edhe një gjobë mandatore dhe janë marrë të gjitha masat konform ligjit”, thuhet në komunikatë.

Drejtori Kastrati, ka bërë të ditur se informacioni është marrë nga një qytetar dhe denoncimit publik në rrjetet sociale, që është bërë për këtë produkt.

Kastrati, u bën thirrje qytetarëve që të bashkëpunojnë me inspektoratin, me qëllim të ruajtjes së shëndetit të qytetarëve.

Më Shumë

Rrëshqitje dheu në Lubinjë të Poshtme, Totaj kërkon vigjilencë dhe ndjekje të udhëzimeve emergjente

Kryetari i Komunës së Prizrenit, Shaqir Totaj, ka njoftuar se sot është mbajtur një takim i jashtëzakonshëm me Ekipin Emergjent Komunal, pas situatës së...

Në Malishevë përurohet pllaka përkujtimore në shtëpinë ku qëndruan krerët e ilegales së UÇK-së

Në Malishevë u mbajt sot ceremonia e përurimit të pllakës përkujtimore në shtëpinë e familjes së Feriz Metë Mazrekut, ku gjatë viteve 1993–1997 kishin...

Lajmet e Fundit