Gjimnazi „Loyola“ në Prizren, me një progam të pasur me këngë, valle e recitime ka festuar sot 11-vjetorin e Pavarësisë së Kosovës.
Poashtu, për të pranishmit u shfaq një film i shkurtër dokumentar, me qëllim të rritjes së shkallës së ndjeshmërisë të të rinjve për të shmangur veprimet e dëmshme që pengojnë shtetndërtimin dhe për të rritur shkallën e përgjegjësisë sonë për punët me vlerë në dobi të vendit tonë.
Drejtori ekzekutiv i Gjimnazit “Loyola”, dr. Axel Bödefeld SJ, i ka uruar nxënësit dhe mësimdhënësit e kësaj shkolle për këtë ditë të madhe për Kosovën dhe i ka inkurajuar ata që ta ushqejnë shpirtin dhe mendimin kreativ, duke pasur mendime individuale për fenomene dhe dukuri që e shqetësojnë shoqërinë tonë./E.S./