Departamenti i Pylltarisë në Ministrinë e Bujqësisë, ka kërkuar nga ministrja Zhiviq, anulimin e vendimit për vrasjen e ariut të murrmë në Prizren.
Ky departament, vendimin e Agjencisë Pyjore të Kosovës për vrasjen e ariut, e quan të jashtëligjshëm, përcjell lajmi.net.
Konstatimi i Departamentit të Pylltarisë është se vendimi i nxjerrë i Agjencisë Pyjore të Kosovës për vrasjen e ariut nuk është i bazuar ne legjislacionin e aplikueshëm.
Departamenti i Pylltarisë në MBPZhR ka kërkuar nga ministrja anulimin e vendimit te Agjencise se Pyjeve për anulimin e vendimit pasi qe ai është i jashtëligjshëm
E nderuara znj. Ministre:
Departamenti i Pylltarisë ne takimin e rregullt javor ka diskutuar edhe çështjen e ngritur rreth vendimit te Agjencisë Pyjore të Kosovës për vrasjen e një ariu te murrmë dhe debatin publik te shkaktuar nga ky vendim kontradiktor.
Konstatimi i Departamentit të Pylltarisë është se vendimi i nxjerrë Agjencisë Pyjore të Kosovës për vrasjen e ariut nuk është i bazuar ne legjislacionin e aplikueshëm dhe se arsyeshmëria për nxjerrjen e vendimit si dhe kompetencat e vendimmarrjes janë bazuar ne interpretime jo të drejta të ligjeve në fuqi, andaj Ju sugjerojmë që të kërkoni anulimin e vendimit në fjalë.
Me respekt Tahir Ahmeti, Drejtor i Departamentit të Pylltarisë.