Kuvendari i AAK-së në Prizren, Fatmir Kastrati nuk është i kënaqur me përbërjen e Kuvendit.
Thotë se kuvendarët e rinj nuk e kanë të qartë rolin e tyre.
“Kuvendi Komunal i Prizrenit është institucioni me i lartë vendimmarrës dhe substancialisht rregulluesi i jetës së qytetarëve. Fatkeqësisht rëndësia dhe nami i tij po zbehet”, shkruan Kastrati në “Facebook”
“Që nga viti 2007 jam votuar nga qytetaret të jem pjesë e Kuvendit Komunal”.
“Qe 13 vite si Këshilltar Komunal, kam pasur rastin të bashkëpunoj me shumë veprimtar, anëtar të kuvendit, nga të gjitha partitë që e kanë pasur të qartë rolin e tyre”.
“Mirëpo, kjo përbërja e fundit ka degraduar nga çdo gjë që quhet normale. Ka kaluar limitet e asaj që quhet politikbërje”.
“Këshilltarët e rinj, si duket nuk po e kanë të qartë rolin e tyre në Kuvend, as teorikisht e lëre me në praktikë”.
“ Partitë politike po i mbushin listat me njerëz që nuk janë adekuat as për të qenë në listë e lëre më të jenë pjesë e Kuvendit, e kjo po ndikon që edhe zhgënjimi e mosbesimi qytetar të rritet”.
“Mungesë totale e respektit, si nga këshilltarët ndaj njeri tjetrit, por edhe ndaj institucionit e njerëzve që përfaqësojnë, pa e pasur të qartë rëndësinë e fjalës publike”.
“Edhe në oda të burrave ka pasur rend dhe respekt kur dikush e ka marrë fjalën”.
“Sot në Kuvendin Komunal flitet, ndërhyhet pa rend, pengohen këshilltarët gjatë fjalës së tyre. Kjo po ndodh pa dallim, nga pothuaj te gjithë këshilltarët, nga kryesuesi, e aq më keq edhe nga drejtorët e ekzekutivit!!! “
“Duhet të reflektojmë, t’ja kthejmë Kuvendit Komunal rëndësinë dhe rolin qe e ka”./PrizrenPress.com/