Iniciativa Qytetare për Malishevë ka komentuar vizitat e shpeshta që kryeministri i Kosovës, Hashim Thaçi po ia bën këtij qyteti. Sipas kësaj iniciative, Thaçi ka filluar të marrë shumë afër zemrës humbjen e PDK-së në Malishevë.
“Kreu i Qeverisë Hashim Thaçi si duket e ka marrë shumë për afër humbjen në Malishevë, prandaj po merr mundin çdo ditë të vizitojë këtë komunë. Një vizitë të tillë tentojë ta bëjë sot tek komuniteti i biznesit në Malishevë, por ata e refuzuan plotësisht, sidomos kur panë se në shoqërim të tij ishte Isni Kilaj së bashku me grupin jo formal”, thuhet në komunikatën e IQPM-së.
Sipas IQPM-së, Thaçi është bërë nervoz në Kilajn, pas refuzimit të komunitetit të biznesit që të takohet më të.
“Nga ky injorim i komunitetit të biznesit dhe qytetarëve të rastit Kryeministri e ndërpreu këtë vizitë duke u shfaqur i nervozuar në Isni Kilajn. Ai pa u përshëndetur me Kilajn u largua nga Malisheva”.
IQPM edhe një herë iu ka me dije të gjithë se nuk mundë të ndryshohet vullneti i qytetarëve të Malishevës me vizita të tilla dhe me tendenca manipulative. ”Tani më qytetarët kanë marrë vendimin për të përkrahur masovikisht IQPM, dhe nëpër mes votës së lirë do të largojnë nga pushteti këtë grup qeverisës dhe do ta kthejnë qeverisjen tek qytetarët”. /PrizrenPress.com/