Tri aktakuza kundër tre personave janë ngritur nga Prokuroria Themelore në Prizren, në 24 orët e fundit.
Ata akuzohen për vepra të ndryshme penale.
Ndërkaq, katër persona janë ndalur për 48 orë, shkruan “PrizrenPress”
Raporti i Prokurorisë pa ndërhyrje
Gjatë 24 orëve të fundit me urdhër të prokurorit kujdestar, në Prokurorinë Themelore në
Prizren – Departamenti i Përgjithshëm, janë ndaluar katër (4) persona, në katër raste të ndara.
Në rastin e parë, është ndaluar një (1) person për 48 orë, për shkak të dyshimit të bazuar
se ka kryer veprën penale “Dhuna në familje” sipas KPRK-së.
Në rastin e dytë, me urdhër të prokurorit, është ndaluar për 48 orë, një (1) person për
shkak të dyshimit të bazuar se ka kryer veprën penale “Kanosje” sipas KRPK-së.
Në rastin e tretë, është ndaluar për 48 orë, një (1) person, për shkak të dyshimit të bazuar
se ka kryer veprën penale “Kalimi i paautorizuar i vendkalimeve kufitare ose i vijës
kufitare” sipas KPRK-së.
Ndërsa, në rastin e katërt, është ndaluar për 48 orë, një (1) person, për shkak të dyshimit
të bazuar se ka kryer veprën penale “Lëndim i lehtë trupor” sipas KRPK-së.
Kërkesat për caktimin e masës së paraburgimit paraburgimit (apo masa tjera):
Departamenti i Përgjithshëm, ka paraqitur pranë Gjykatës Themelore në Prizren, një (1)
kërkesë për caktimin e masës së paraburgimit, për një (1) person, për shkak të dyshimit
të bazuar se ka kryer veprën penale “Dhuna në familje” sipas KRPK-së.
Aktakuzat:
Gjatë 24 orëve të fundit në Prokurorinë Themelore në Prizren, në Departamentin e
Përgjithshëm janë ngritur tri (3) aktakuza kundër tre (3) personave, për këto vepra penale:
Një (1) aktakuzë kundër një (1) personi për veprën penale “Mbajtja në pronësi, kontroll
ose posedim të paautorizuar të armëve”,
Një (1) aktakuzë kundër një (1) personi për veprën penale “Ndërtimi pa leje” dhe
Një (1) aktakuzë kundër një (1) personi për veprën penale “Lëndim i lehtë trupor”