Në Prizren ka filluar ofrimi i shërbimit të terapisë intravenoze, respektivisht dhënies së infuzioneve në objektin e Urgjencës
Kryetari i Komunës, Mytaher Haskuka tha se ky është projekti i pestë me radhë në shëndetësi.
“Sot kemi filluar me ofrimin edhe të një shërbimi shumë të rëndësishëm për shëndetin e qytetarëve, atë të terapisë intravenoze, respektivisht dhënies së infuzioneve në objektin e Urgjencës”, shkruan Haskuka.
“Përveç rasteve urgjente, tanimë të gjithë banorët e Komunës së Prizrenit, të cilët kanë raport mjekësor, do ta kenë mundësinë e marrjes së infuzioneve në këtë objekt, nën përkujdesjen e stafit i cili është formuar enkas për këtë qëllim”.
“Ky është projekti i pestë me radhë pas ofrimit të shërbimeve laboratorike për analiza të hormoneve të gjëndrës tiroide, shërbimit 24 orësh në QKMF, hapjes së njësisë Diabetike në QMF 1 dhe ofrimit të kujdesit paliativ për qytetarë me sëmundje kronike”.
“Gjatë ditëve në vijim do të kemi edhe shumë projekte të reja në fushën e shëndetësisë, të cilat mundësojnë ofrimin e shërbimeve cilësore për qytetarë”./PrizrenPress.com/