Kuvendi mban vazhdimin e mbledhjes, miratohen pikat e parapara në rend dite
Kuvendi Komunal i Prizrenit sot ka vazhduar me pjesën e mbetur të mbledhjes së VIII (tetë) të rregullt për vitin 2019, e cila ishte shtyer për shkak të mungesës së kuorumit.
Në këtë mbledhje u shqyrtuan katër pikat e mbetura të rendit të ditës, të cilat njëkohësisht edhe u votuan për t’u miratuar.
Kuvendi me këtë rast miratoi Rregulloren 04/2019 për transparencë komunale, e cila është rishqyrtuar sipas rekomandimeve të MAPL-së, ndërkaq më pas u miratua edhe propozim-vendimi mbi hyrjen në koncesion të pronës komunale, planprogrami trevjeçar për banim dhe raporti për llogaritë e arkëtueshme, verifikimi dhe inkasimi i tyre.
Për këtë të fundit, gjithashtu u propozua që pas gjashtë muajsh të prezentohet në Kuvend edhe raporti rreth zbatueshmërisë së rekomandimeve të daluara nga ky raport.