Para pak minutave në qendrën e skijimit në Brezovicë një person ka rënë nga teleferiku. Ai për momentin është transferuar për trajtim në spitalin e Ferizajt. Bëhet fjalë për një 30-vjeçar, i cili ka marrë lëndime në kokë.
Rastin për Insajderin e ka konfirmuar zëdhënësi i policisë së Ferizajt, Agim Gashi, i cili tha se person gjendet jashtë rrezikut për jetë dhe është dërguar në spitalin e Ferizajit.
“Para një ore është raportuar se një person mashkull ka rënë aksidentalisht nga teleferik në Brezovicë. Policia e ka dërguar deri ne ambulancën e Shtërpcës ku i është dhënë ndihma e parë fillestare, sipas mjekëve gjendje e ti është stabile kuptohet ka lëndime dhe e kanë transportuar në emergjencën e Ferizajt”, ka deklaruar Gashi.