Kandidati i Partisë Demokratike të Kosovës për kryetar të Malishevës, Isni Kilaj, ka përmbyllur fazën e parë të fushatës elektorale me banorët e Bublit dhe Qupevës.
Kilaj, prezantoi programin katër vjeçar para banorëve të këtyre dy fshatrave.Ai shpalosi në detaje, të gjitha projektet, të cilat në fakt janë të parapara të realizohen vetëm nga buxheti komunal dhe të hyrat vetanake, si në infrastrukturë, dhe bujqësi.
“Jemi komuna, që më së shumti, ofrojmë përkrahje për bujqësi rreth 2 milion ofertë të cilën nuk e ka asnjë komunë e vendit, pastaj mbrojtje të ambientit, zhvillim të turizmit, si dhe premtoi vazhdimin e rregullimit të infrastrukturës në pjesët e mbetura të këtyre fshatrave, gjegjësisht në rregullimin e rrugicave të fshatit, pjesën e mbetur të kanalizimit në Bubël, trotuarin për nxënës deri në shkollën e Damanekut, dhe pastrimin në tërësi të pjesës së lumit Mirusha që kalon nëpër fshat, nga ujërat e zeza”.
Ndërsa bartësi i listës së kandidatëve të PDK-së, Adem Berisha, duke kërkuar votën për kandidatët e PDK-së për Asamblenë Komunale, tha se kjo është lista më e mirë, e përbërë nga njerëz profesional nga të gjitha fushat. Berisha, po ashtu kërkoi që paraprakisht të mbështetet Isni Kilaj për kryetar të Malishevës. “Kjo është qeverisja model për të gjitha komunat”. /PrizrenPress.com/