Kandidati i koalicionit AAK-LDD për kryetar të Prizrenit Lulzim Kabashi ka marrë pjesë në debatin me temë “ Funksionimi i këshillit të fshatit/lagjes, formalitet apo nxitje e aktivizmit qytetar “ të organizuar nga Forumi për Iiciativa Qytetare që u mbajt me përfaqësues të fshatrave dhe lagjeve urbane, ku u debatua bashkë me përfaqësues të partive politike që garojnë në zgjedhjet lokale të 3 nëntorit.
Nazim Haliti – zv/drejtor i Organizatës “ FIQ “ në Prishtinë, tha se qëllimi kryesor i këtij debati është diskutimi mbi rolin e përfaqësimit të vendbanimeve përmes këshillit të fshatit apo lagjes, niveli i pjesëmarrjes qytetare në vendimmarrjen lokale dhe aktivizmi qytetar në përgjithësi.
Në këtë debat, kandidati i koalicionit AAK-LDD për kryetar të Prizrenit Lulzim Kabashi, tha se gjatë qeverisjes së Prizrenit nga ai si kryetar i ardhshëm i Komunës, sa i përket funksionimit të bashëksive lokale në fshatra dhe lagje, do të gjenden forma që kryetarët e fshatrave dhe lagjeve të trajtohen si shërbyes civil.
Kabashi theksoi se në të ardhmen do të mbahen takime të rregullta çdo muaj me kryetarët e fshatrave dhe lagjeve, dhe atyre do t’ju lejohet hapësirë që të marrin pjesë drejtëpërdrejtë në hartimn e buxhetit komunal.
Gjithashtu Kabashi theksoi edhe rëndësinë e riaktivizimit dhe ndërtimit të zyreve të bashkësive lokale, krejt kjo me qëllim që atyre t’ju krijohen kushte për të funksionuar në mënyrën më të mirë të mundshme karshi kërkesave të banorëve.
Kandidati i koalicionit AAK-LDD për kryetar të Prizrenit Lulzim Kabashi, u mbështet nga kryetarët e fshatrave/lagjeve, për vendosmërinë e tij që në të ardhmen kjo gjendje aktuale e funksionimit të bashëksive lokale të ndryshohet dhe të gjenden forma për stimulimin e kryetarëve të fshatrave dhe lagjeve. Gjithashtu ata mëbshtetën edhe propozimin e Kabashit që kryesuesve të fshatit/lagjeve t’ju jepen më shumë kompetenca./PrizrenPress.com/