28.4 C
Prizren
E enjte, 7 Gusht, 2025

S’ka mësues, fëmijët e fshatit Gorozhup të Prizrenit në shtëpi

Një konkurs i hapur për edukatore është anuluar, fëmijët e Gorozhupit nuk ndjekin mësimin parafillor

Njëri në klasë të dytë e tjetri në të katërtën.

Por që të dy nxënësit e shkollës “Vëllezërit Frashëri” në Gorozhup të Prizrenit,  mbajnë orët mësimore në të njëjtën klasë.

Të funksionuarit ndryshe nga bashkëmoshatarët e tyre,është kthyer në normalitet për ta.

Më shumë se njëzet e pesë kilometra larg qendrës së Prizrenit,nxënësit nga fshati Gorozhup nuk patën mundësi as të vijonin mësimin parafillor.

Por një konkurs i hapur për edukatore, ua shtoi shpresat banorëve se të paktën gjeneratat e ardhshme do ta kishin këtë mundësi.

Megjithatë ky konkurs u anulua.

Për prindërit kjo është një kërkesë elementare, që fëmijët e tyre të zhvillohen njëjtë si bashkëmoshatarët e tyre në zona të tjera.

Se është  e nevojshme të kenë edukatore për arsimin parafillor, e konfirmoi edhe drejtori i shkollës.

Ndonëse këtë shqetësim ua kanë shfaqur disa herë edhe drejtorisë së arsimit, një zgjidhje për ta nuk ka ardhur akoma. Nga ky institucion nuk iu përgjigjën as pyetjeve televizionit T7 për arsyet e anulimit të konkursit.

Rritja e vijueshmërisë në arsimin parashkollor, është edhe një nga prioritet që i ishin caktuar Kosovës nga Bashkimi Evropian.

Gjithëpërfshirja dhe pjesëmarrja në edukimin parashkollor është një ndër objektivat kryesore të Planit Strategjik për Arsim në Kosovë 2017 – 2021.

Më Shumë

Hapet Fardi Fest 2025 në Gradish të Rahovecit – Latifi: Kultura na bashkon si një

Në kompleksin përkujtimor të dëshmorëve të kombit në Gradish të Rahovecit është hapur mbrëmë edicioni i sivjetmë i Fardi Fest 2025, një ngjarje që...

‘Hidroregjioni Jugor’ kërkon pagesën e faturave të ujit në Zhur – borxhi mbi 645 mijë euro

Kompania Rajonale e Ujësjellësit “Hidroregjioni Jugor” në Prizren ka bërë një thirrje publike për konsumatorët e fshatit Zhur, duke kërkuar pagesën e menjëhershme të...

Lajmet e Fundit