Kujtim Gashi nga Partia Demokratike e Kosovës ka thënë se Lëvizjen Vetëvendosje dhe Lidhjen Demokratike të Kosovës e bashkon kapja e shtetit.
Kështu ka thënë ai në sancën plenare në Kuvend ku pritet të votohet Qeveria e re në krye me Albin Kurtin, njofton Klan Kosova.
“Programet politike [të VV-së dhe LDK-së] vështirë se mund të ofrojnë një program të suksesshëm qeverisës për shkak se të dyja partitë janë të shkollave të ndryshme politike dhe ideologjike – ata i bashkon vetëm kapja e shtetit”.
“Marrëveshja e arritur nuk e përfillë asnjë normë dhe asnjë parim të demokracisë parlamentare; prandaj del se është marrëveshje për mosmarrëveshje edhe pas ditës së sotme”.
“Propaganduesit e mjegullave politike nuk hezituan që ta demantojnë veten dhe t’i kundërshtojnë proklamimet e tyre të dikurshme në çastet kur ishin në bllokada”.
“Ne do të jemi zë i fuqishëm dhe unik opozitar sepse nuk mund të lejojmë që kjo qeveri në ardhje vendin ta shtyjë në gjymtisi”.