Të gjitha rrugët e Prizrenit janë të hapura dhe nuk ka asnjë vështirësi në qarkullim.
Komuna e Prizrenit ka njoftuar se Drejtoria e Shërbimeve Publike me rastin e reshjeve të borës është kujdesur që nëpërmjet kompanive të kontraktuara t’i mbajë rrugët të hapura dhe të qarkullueshme.
“Pavarësisht stafit të reduktuar për shkak të pandemisë COVID-19, Drejtoria e Shërbimeve Publike me rastin e reshjeve të borës është kujdesur që nëpërmjet kompanive të kontraktuara t’i mbajë rrugët të hapura dhe të qarkullueshme”, thuhet ne njoftim, transmeton PrizrenPress.
“Në orët e mbrëmjes është bërë hedhja e kripës kryesisht në rrugët kryesore dhe periferike, ndërsa gjatë ditës është bërë edhe heqja e borës nga trotuaret dhe sheshet e qytetit”.
“Tashmë të gjitha rrugët e komunës janë të hapura dhe nuk ka asnjë vështirësi në qarkullim”. /PrizrenPress.com/
