Kryeministri i Irlandës, Leo Varadkar, është rikthyer në praktiken mjekësore dhe do të punojë në një turn gjatë javës, gjatë kohës së koronavirusit, ka thënë zyra e tij të dielën.
Varadkar ka punuar si mjek për 7 vjet para se ta linte profesionin për t’u bërë politikan, transmeton KOHA.
Ai në vitin 2013 ishte fshirë nga regjistri mjekësor, ndërkaq është regjistruar përsëri në mars duke ofruar shërbimin e tij.
“Shumë njerëz nga familja e tij dhe shumë miq të tij janë duke punuar në shërbimin shëndetësor. Ai ka dashur të ndihmojë sadopak”, ka thënë zëdhënësi, shkruan reuters.
Muajin e kaluar, ministri i shëndetësisë Simon Harris nisi një përpjekje për rekrutim për shërbim shëndetësor në Irland, për të trajtuar shpërthimin e koronavirusit me një mesazh të rreptë: “Vendi juaj ka nevojë për ju”.