Klubet e futbollit gjerman arritën një marrëveshje dhe gjatë ditës së shtunë morën vendimin për të përfunduar këtë sezon futbollistik.
Datë zyrtare nuk ka akoma, kjo varet nga ecuria e koronavirusit, por është e sigurt që Bundesliga do të rinisë.
Bayern Munchen vendosi të rikthehet në stërvitje dhe ka vendosur disa rregulla bazë, që zbulohen nga francezja L’Equipe. Një minifazë përgatitore është e nevojshme, pasi lojtarët janë pushim prej ditëve të para të muajit mars. Djemtë e Flick do të stërviten të ndarë në katër fusha.
Lojtarët do të punojnë në 5 grupe dhe secili grup do të ketë nga 4 futbollistë. Ndryshime janë bërë edhe në dhomat e zhveshjes, teksa lojtarët do të kenë një dhomë të veçantë për t’u ndërruar. Ata mund të ushqehen në fund të çdo seance stërvitore, teksa dushet do i bëjnë në shtëpitë e tyre.