Në këtë periudhë izolimi për shkak të emergjencës nga koronavirusi klubi spanjoll i Malagas po gjen mënyra të ndryshme për të argëtuar tifozët e saj në rrjetet sociale dhe sëfundmi ka postuar një video, ku dy lojtarët shqiptarë të kësaj skuadre, Keidi Bare dhe Armando Sadiku, këndojnë himnin shqiptar nga salla e konferencave të klubit andaluzian.
Bare i jep shumë emocione interpretimit të himnit teksa ngrihet në këmbë dhe këndon me zë të lartë ndërkohë që Sadiku është i ulur në karrige dhe e shoqëron Baren duke kënduar me dorën në zemër.
Videoja është xhiruar përpara mbylljes në shtëpi për shkakun e Koronavirusit, por klubi spanjoll ka zgjedhur që ta publikojë në këtë moment karantine. Keidi Bare dhe Armando Sadiku janë dy nga lojtarët më të rëndësishëm të Malagas dhe të shumëpëlqyer nga tifozët, prandaj për këtë arsye klubi publikon shpesh video gazmore të tyre.
Kliko linkun