Komuna e Malishevës ka bërë të ditur se bazuar në rezultatet e testimeve nga Instituti Kombëtar i Shëndetësisë Publike, edhe dy pacientë nga kjo komunë janë shëruar, duke e çuar numrin e të shëruarve në 60 persona.
“Në ditët në vijim, pritet që edhe pacientët tjerë të shërohen, pasi janë në proces e sipër të shërimit dhe Malishevës çdo ditë e më tepër po i vijnë lajme të mira, sa i përket situatës me COVID-19”, thuhet në njoftim.Shërimi i dy pacientëve nga Malisheva, thuhe se është konfirmuar nga komunikimi zyrtar i Komunës së Malishevës, me Institutin Kombëtar të Shëndetësisë Publike.
“Pas këtij lajmi, në emër të Shtabit Emergjent në Malishevë, nënkryetari i Komunës së Malishevës, Hajdin Berisha, i ka uruar dy të shëruarit, si dhe pacientëve në pritje për shërim, ju ka dëshiruar shërim të shpejt”, vijon njoftimi.
Në Malishevë deri më tani nga 76 të prekur me coronavirus, 60 pacientë janë shëruar, kurse në shërim e sipër janë edhe 15 persona. Ndërsa një person ka vdekur nga ky virus.