Drejtori i Drejtorisë së Inspektorateve, Islam Thaqi së bashku me veteranët e Ushtrisë Çlirimtare të Kosovës sot kanë realizuar një aksion vullnetar për riparimin e memorialit të dy ushtarëve amerikanë, David A. Gibbs dhe Kevin L. Roichert.
Ky memorial, kushtuar për ushtarët të cilët kanë dhënë jetën gjatë luftës më 5 maj 1999 derisa ishin duke fluturuar me aeroplanët e NATO-s për misionin paqësor, ishte dëmtuar ditë më parë për shkak të kushteve atmosferike.
Komuna e Prizrenit ka mbështetur këtë aksion vullnetar, ndërkaq përveç kësaj sivjet ka paraparë edhe një kod të veçantë buxhetor për rregullimin e memorialeve. Fillimi i këtyre punimeve është vonuar për shkak të vonesës së buxhetit dhe situatës së krijuar nga pandemia, ndërkaq pas kalimit të situatës do të fillojnë punimet për me rregullimin dhe mirëmbajtjen e të gjitha monumenteve në komunën e Prizrenit.