27.2 C
Prizren
E shtunë, 13 Shtator, 2025

Aksident me fatalitet në rrugën Prizren–Gjakovë, vdes një i ri, lëndohen tre të tjerë

Një person ka vdekur dhe tre të tjerë janë lënduar si pasojë e një aksidenti të rëndë që ndodhi sonte, në rrugën Prizren – Gjakovë, saktësisht në afërsi të fshatit Piranë, raporton Gazeta Sinjali.

Rastin për Gazetën Sinjali e ka konfirmuar zëdhënësi i Policisë për rajonin e Prizrenit, Shaban Osmanollaj, i cili tha se njëri nga të lënduarit është në gjendje më të rëndë shëndetësore.

“Një aksident ka ndodhur sonte rreth orës 19:40 në rrugën Prizren – Gjakovë, në afërsi të fshatit Piranë. Në aksident ka mbetur i vdekur një person, i moshës së re, ndërsa janë lënduar edhe tre persona. Të lënduarit janë dërguar në Spitalin e Prizrenit. Njëri nga ta është në gjendje më të rëndë shëndetësore”, tha Osmanollaj.

Ai shtoi se ende nuk është e qartë se si ka ardhur deri te aksidenti.

Në aksident kanë qenë të përfshira një veturë, një traktor dhe një kamionetë.

Më Shumë

Kryetari Totaj akuzon “Hidroregjionin Jugor” për ndërprerje të qëllimshme të ujit në Prizren

Kryetari i Komunës së Prizrenit, Shaqir Totaj, ka reaguar ashpër ndaj situatës së krijuar me mungesën e ujit të pijshëm në qytet dhe disa...

Bashkimi fiton edhe ndaj Jedinstvo-s

KB Bashkimi po vazhdon serinë e ndeshjeve kontrolluese me sukses. Skuadra prizrenase ka shënuar fitoren e dytë radhazi, këtë herë ndaj KK Jedinstvo me...

Lajmet e Fundit